Ministria e Kulturës paralajmëron jetësimin e Memorialit për fëmijët e vrarë gjatë luftës

Ministria e Kulturës, Rinisë dhe Sportit ka bërë të ditur se Memoriali për fëmijët e vrarë gjatë luftës po jetësohet.

E njëjta ka pohuar se ky projekt është vazhdimësi e bashkëpunimit strategjik me Universitetin e Prishtinës “Hasan Prishtina” për konsultimin dhe hartimin e dokumentit narrativ mbi memorializimin e fëmijëve të vrarë gjatë luftës 1998-1999 në Kosovë transmeton GazetaDemos.

Ajo gjithashtu ka shtuar se pas hartimit të dokumentit do të bëhet shpallja e konkursit ndërkombëtar për projektin e memorialit të fëmijëve. Ky proces me ndjeshmëri të lartë kërkon një analizë të thellë që rezultati të jetë dinjitoz dhe proporcional me qëllimin.

Memoriali është vendim i Qeverisë së Kosovës përmes të cilit do të nderohet dhe lartësohet kujtimi për fëmijët e vrarë gjatë luftës./Demos/