Ministria e Financave tregon datën e mbajtjes së ankandit të tretë të Letrave me Vlerë për vitin 2023

Ministria e Financave, Punës dhe Transfereve ka njoftuar se më 23 mars 2023 do të mbahet ankandi i tretë për vitin 2023, ku do të emetohen Obligacione me maturitet shtatëvjeçar në shumën prej 15 milionë euro.

Po e njëjta ka informuar se investimi në Obligacione është investim i sigurt, i garantuar me Ligjin për Borxhin Shtetëror dhe Garancitë Shtetërore, ku interesi i përcaktuar nga tregu garantohet për të gjithë kohëzgjatjen (7 vjet) dhe është tërësisht i liruar nga tatimi.

Qytetarët luten që për detaje rreth pjesëmarrjes në ankande për blerjen e letrave me vlerë, të kontaktojnë ndonjërën nga Bankat Komerciale që operojnë në Republikën e Kosovës.