Ministri i Shëndetësisë përsëri udhëton për në ShBA, udhëtimi i tretë brenda pak muajsh

Ministri i Shëndetësisë, Rifat Latifi, do të marr pjesë nesër në konferencën shkencore të 19-të vjetore Louis R.M. Del Guercio  në SHBA si Profesor vizitues i  Hulumtimeve shkencore, që organizohet në Kolegjin Mjekësor të Nju Jork, në Valhalla, një nga fakultetet  e mjekësisë më të vjetra në SHBA (1861), tash anëtar i Toro Univeristy, një nga Universitetet më të njohura në botë.

Kjo vizitë është e treta me radhë brenda pesë muajve që zhvillon Latifi në ShBA e që po konsiderohet e tepërt nga njohësit e sektorit të Shëndetësisë në vend.

Sipas njoftimit të lëshuar nga MSH, ministri Latifi do të bisedojë me lidershipin e Universitetit të Touro-s për bashkëpunim në fusha të ndryshme shkencore dhe mjekësore dhe të tjera.

Gjatë qëndrimit në SHBA,  Ministri Latifi do te  vizitoj edhe  Spitalin Ushtarak Walter Reed, Qendrën e Simulimit të Armatës Amerikane në Uashington si dhe Universitetin e Arizonës, ku do të takohet me udhëheqësit e këtyre institucioneve, në kërkim të bashkëpunimit për implementim e qendrave të ekselencës, të parapara me programin e transformimit të shëndetësisë së Kosovës.

Gjithashtu, ai do të takohet edhe me shumë mjekë e liderë të komunitetit shqiptar në SHBA për të diskutuar metodat më të mira të kthimit të trurit shkencor shqiptar në SHBA në Kosovë