Ministri francez i mbrojtjes do të udhëtojë në Lindjen e Mesme

Ministri francez i Mbrojtjes, Sebastien Lecornu, do të nisë një udhëtim në Lindjen e Mesme për të diskutuar situatën në Gazë dhe çështjet e sigurisë rajonale.

Ky vendim u mor me kërkesë të presidentit francez Emmanuel Macron.

“Ky udhëtim do të fillojë në Egjipt dhe do të vazhdojë në rajonin e Gjirit. Do të përfundojë të premten në Izrael, hera e parë që një ministër francez i Mbrojtjes viziton vendin që nga viti 2000”, deklaroi Lecornu përmes rrjeteve sociale.

Presidenti francez të premten i bëri thirrje Izraelit që të ndalojë bombardimin e Gazës dhe vrasjen e civilëve.

Ai gjithashtu bëri thirrje për një armëpushim, raporton Al Jazeera.