Ministrat Mehaj e Peci me plis në kokë vizitojnë kullën e familjes Bardhoshi

Ministri i Mbrojtjes Armend Mehaj dhe ai i Bujqësisë Faton Peci kanë vizituar familjen e Isuf Bardhoshit në Isniq, shkruan GazetaDemos.

Këtu u pritën nga familjarët e Isuf Bardhoshit e Mehmet Bojkut, e që për familjet e këtyre dy veprimtarëve e aktivistëve të çështjes kombëtare, Mehaj ka shkruar se u përkulet me nderime e mirënjohjen më të madhe.

“Sonte së bashku me Haxhi Arifin dhe me Ministrin Faton Peci, në kullën e familjes Bardhoshi në Isniq, në vendlindjen time në mesin familjes së Isuf Bardhoshit dhe Mehmet Bojkut, dy familjeve të ndritura të kombit shqiptar. Familjeve të tilla që nxorën nga gjiri i tyre veprimtarë, aktivistë të çeshtjes kombëtare e ushtarë të Ushtrisë Çlirimtare të Kosovës, u përkulem me nderimin e mirënjohjen më të madhe gjatë gjithë jetës”, ka shkruar Mehaj në Facebook.