Miftaraj: IKD do t’u ofrojë ndihmë juridike falas minatorëve grevistë të suspenduar

Ehat Miftaraj, drejtori i Institutit të Kosovës për Drejtësi, ka reaguar pasiqë Menaxhmenti i ndërmarrjes “Trepça” e ka suspenduar nga puna kryetarin e Sindikatës së minatorëve, Ibrahim Jonuzin, nënkryetarin e sindikatës, dy anëtarë të tjerë dhe një minator.

Miftaraj ka njoftuar anëtarët e Sindikatës së Pavarur të Minatorëve të Trepçës se IKD-ja do t’iu ofrojë ndihmë juridike falas lidhur me rastet e përjashtimit të përkohshëm nga puna apo masave të tjera eventuale, që vijnë si rrjedhojë e aktivitetit të tyre sindikal.