Mesazhet e rreme që po i shkojnë qytetarëve për pagesën e rrymës, reagon KESCO: Keni kujdes!

KESCO ka bërë një reagim në lidhje me mesazhet mashtruese që po u shkojnë qytetarëve në emër të tyre, duke thënë se nuk kanë të bëjnë asgjë me këtë.

Ditëve të fundit është duke qarkulluar një SMS SCAM me këtë përmbajtje:

“NJOFTIM URGJENT PËR PAGESË
Pagesa juaj e energjisë elektrike është ME VONESE! Sipas rregulloreve te Kosoves, nëse nuk paguhet brenda 24 ORËVE:
• Aplikohet penalitet 18%
• Energjia elektrike do të shkëputet
• Kërkohet rilidhje personale
Paguani tani: https://fatura-kesco-energy.life/kos?|21ZcxRWqowkxG2=i23ezbOvZ
Pa regjistrim – thjesht futni ID-në dhe të dhënat e pagesës”

KESCO sqaron se nuk ka të bëj asgjë me këtë dhe se nuk ka dërguar një SMS të tillë, prandaj kërkojmë nga konsumatorët të kenë kujdes të shtuar të mos bien pre e këtyre mashtrimeve.

Ju lutemi t’i verifikoni këto SMS që për qëllim kanë mashtrimin, dhe të gjitha pagesat ti kryeni përmes kanaleve zyrtare të KESCO, si aplikacioni eKesco, arkat nëpër qendrat tona, platforma eKosova, si dhe bankat e institucionet mikrofinanciare.

KESCO do të ndërmarrë të gjitha masat ligjore lidhur me këtë çështje. Për çdo informacion të mëtejshëm, ju lutemi kontaktoni këshilltarët tanë nga shërbimi për konsumatorë nëpërmjet kanaleve zyrtare të KESCO, si dhe lajmërojeni në Policinë e Kosovës.