Mes dhimbjeve dhe lotëve, Liverpooli fiton miqësoren ndaj Preston – golat u dedikuan për Jotan
Dukej si një kërkesë e thjeshtë nga Arne Slot për 23 futbollistët e Liverpoolit që po përgatiteshin për të mbrojtur titullin.
Por trajneri i Liverpoolit e di se nuk do të ketë kurrë një detyrë më të vështirë dhe më të rëndësishme sesa t’u kërkojë lojtarëve të tij të rikthehen në detyrat profesionale ndërkohë që janë në zi për vdekjen e shokut të skuadrës, Diogo Jota.
Ndeshja miqësore e parasezonit ndaj Preston North End nuk ishte ajo që ishte planifikuar fillimisht.
Ajo u kthye në një ceremoni përkujtimore, ku lojtarët dhe tifozët u bashkuan në një moment emocionalisht të ngarkuar, por thelbësor në një proces të gjatë zie.
Pas 20 minutash, 21,289 spektatorë u bashkuan në një homazh të fuqishëm, të udhëhequr nga tifozët mysafirë, një tribut që zgjati për dhjetë minuta, me Preston që u tregua mikpritës me klas të lartë.
Mohamed Salah, një nga katër titullarët e sezonit kampion 2024/025 që nisi ndeshjen, u pa qartësisht i emocionuar.
Ky ishte Liverpooli që po përpiqej të rikthehej, duke përqafuar dualitetin e një sporti që njëkohësisht mund të mos ketë aspak rëndësi dhe të jetë gjithçka.
Për të gjetur ngushëllim dhe gëzim përmes një aktiviteti që ka përcaktuar jetën e këtyre të rinjve dhe të shokut të tyre të ndjerë që e dashuronte dhe e luante këtë lojë me aq pasion dhe talent.
Kur Darwin Nunez dhe Cody Gakpo shënuan në pjesën e dytë, ata imituan festimet e golave të Jotas.
Fanella me numrin ‘20’ e Jotas është pensionuar, por gëzimi që ai shprehte kur shënonte tashmë do të ndahet nga të gjithë.
