Mehaj bisedë telefonike me homologun turk, diskutojnë për thellimin e bashkëpunimit Kosovë-Turqi

Me qëllim të intensifikimit të bashkëpunimit bilateral, ministri i Mbrojtjes, Armend Mehaj, sot realizoi një bisedë telefonike me homologun e tij turk Hulusi Akar.

Gjithashtu, ata biseduan për stadin aktual të realizimit të projekteve të përbashkëta dhe shtyrjen përpara, në kuadër të planit të bashkëpunimit bilateral në fushën e mbrojtjes dhe sigurisë.

Ndër të tjera, ata u pajtuan edhe për intensifikimin e angazhimit të përbashkët në të ardhmen në funksion të paqes, stabilitetit dhe sigurisë rajonale dhe më gjerë.

Duke njohur pozicionin e rëndësishëm të Turqisë në kuadër të Aleancës Veri-Atlantike, ministri Mehaj e falënderoi ministrin Akar edhe për mbështetjen e deklaruar zyrtare për procesin e përshpejtuar të Kosovës në NATO.