Memli Krasniqi flet mbi zhvillimet politike edhe me ambasadorin italian në Kosovë

Lideri opozitar, Memli Krasniqi, ka pritur sot në takim ambasadorin italian në Kosovë, Antonello De Riu.

Krasniqi, thotë se zhvillimet politike dhe qëndrimet e vizioni i PDK-së në raport me to, si dhe kërkesa e tyre për zgjedhje, ishin tema diskutimi mes tyre.

Në selinë e PDK-së e prita edhe ambasadorin italian në Kosovë, Antonello De Riu.

Zhvillimet politike, qëndrimet dhe vizioni i PDK-së në raport me to, si dhe kërkesa jonë për zgjedhje të parakohshme – ishin tema të diskutimit tonë të përbashkët.

Qytetarët dhe shteti i Kosovës kanë nevojë të shpejtë për zhvillim, përparim dhe integrim.

Ambasadorin De Riu e falënderova për vizitën dhe mbështetjen e vazhdueshme të Italisë për Kosovën.