Mediat izraelite: Trump dhe Netanyahu bien dakord për përfundimin e luftës në Gaza për dy javë

Pas sulmit amerikan ndaj Iranit, kryeministri izraelit Benjamin Netanyahu dhe presidenti amerikan Donald Trump zhvilluan një telefonatë ku ranë dakord për një përfundim të shpejtë të luftës në Gaza brenda dy javësh, raporton Israel Hayom.

Sipas marrëveshjes së paqartë për momentin, katër shtete arabe, përfshirë Emiratet e Bashkuara Arabe dhe Egjiptin, do të marrin kontrollin e Rripit të Gazës, duke zëvendësuar Hamasin, i cili do të dëbohet dhe do të lirojë të gjithë pengjet.

Megjithatë, aleatët arabë kanë refuzuar përfshirjen në rehabilitimin e Gazës në mungesë të përfshirjes së Autoritetit Palestinez, një rol që Netanyahu e ka hedhur poshtë kategorikisht.

Raporti përmend gjithashtu planet për emigrimin e banorëve të Gazës në disa vende të paemërtuara, dhe njohjen nga SHBA e sovranitetit izraelit në disa pjesë të Bregut Perëndimor.

Sipas raportimeve, Arabia Saudite dhe Siria pritet të vendosin marrëdhënie diplomatike me Izraelin, ndërsa vendet tjera arabe do t’i ndjekin ato, ndërkohë që Izraeli mbështet zgjidhjen me dy shtete, të kushtëzuar nga reformat e Autoritetit Palestinez.