Me rregulloren e re nëpunësit civilë që janë nën hetime do të pezullohen

Sot ka hyrë fuqi rregullorja e re e miratuar nga Qeveria e Kosovës për pezullimin nga marrëdhënia e punës në shërbimin civil.

Kjo rregullore do të zbatohet për të gjitha kategoritë e nëpunësve civilë në institucionet e administratës shtetërore dhe institucionet e tjera shtetërore.

Mirëpo e njejta nuk zbatohet për nëpunësit në Presidencën e Republikës së Kosovës, Gjykatën Kushtetuese, sistemin e drejtësisë, Kuvendin e Kosovës dhe institucionet e pavarura kushtetuese.

Pezullimi është ndërprerja e përkohshme e marrëdhënies së punës në shërbimin civil që bëhet sipas detyrës zyrtare apo me kërkesë të nëpunësit civil.