Më 25 shtator mbahet seanca fillestare për sulmin terrorist në Banjskë

Më 25 shtator 2024 do të mbahet seanca fillestare për çështje penale të sulmit terrorist në Banjskë, raporton GazetaDemos

Kështu ka bërë të ditur për GazetaDemos zëdhënësja e Gjykatës Themelorë në Prishtinë, Mirlinda Gashi.

“Referuar kërkesës tuaj për informata, ju njoftojmë se seanca fillestare në këtë çështje penale është caktuar të mbahet me datë 25 shtator 2024, në ora 09:30, ka thënë ajo.

Ndryshe, më 24 shtator të vitit 2023, në fshatin Banjskë të komunës së Zvecanit, një grup i armatosur serb sulmoi Policinë e Kosovës ku mbeti i vrarë reshteri Afrim Bunjaku.

Nga përleshja e armatosur në mes Policisë së Kosovës dhe këtij grupi mbetën të vrarë edhe tre sulmues serbë.