sq Albanian
    sq Albanianhr Croatianen Englishfr Frenchde Germansr Serbiantr Turkish
    Facebook Instagram YouTube
    GazetaDemosGazetaDemos
    • Lajme
    • Ndërkombëtare
    • Sport
    • Magazina
    • OP/ED
    • Stili/Jeta
    • Teknologji
    • InfoZë
    sq Albanian
    sq Albanianhr Croatianen Englishfr Frenchde Germansr Serbiantr Turkish
    GazetaDemosGazetaDemos
    Lajme

    Më 10 korrik fillon regjistrimi i votuesve jashtë vendit, s’do të telefonohen më të gjithë aplikuesit

    07/07/2021 12:33
    Share
    Facebook Twitter WhatsApp

    Nga 10 korriku do të filloj regjistrimi i votuesve jashtë vendit, kështu u tha në mbledhjen e Komisionit Qendror të Zgjedhjeve (KQZ). Po ashtu, me procedurë të re për verifikimin e aplikuesve për votim jashtë vendit, nuk do të telefonohen më të gjithë aplikuesit.

    Ndryshe nga zgjedhjet e fundit, kur KQZ-ja kishte vendosur që t’i telefononte për verifikim të gjithë aplikuesit, përmes udhëzimit të ri, mënyra e verifikimit ka pësuar disa ndryshime. Udhëzimi administrativ, i miratuar gjatë zgjedhjeve të parakohshme të 14 shkurtit, është shfuqizuar nga KQZ-ja.

    KQZ-ja do të verifikojë 2% të aplikuesve të aprovuar me metodën e përzgjedhjes së rastësishme. KQZ-ja do të verifikojë edhe rastet kur i njëjti numër i telefonit përdoret në më shumë se një aplikacion me mbiemra të ndryshëm apo në rastet kur në një adresë elektronike përdorët në më shumë se një aplikacion me mbiemra të ndryshëm.

    Të gjitha këto raste, KQZ-ja do t’i verifikojë përmes thirrjeve telefonike.

    “Nëse aplikuesi nuk e hap telefonin në thirrjen e parë, do të bëhen edhe dy tentime të tjera në periudha të ndryshme kohore brenda periudhës së aplikimit për regjistrim”, thuhet në udhëzimin e KQZ-së.

    Po sipas këtij udhëzimi, KQZ-ja do do të denoncojë rastet e keqpërdorimeve në Prokurorinë e Shtetit.

    “Një aktivitet me rëndësi është operacioni i votimit përmes postës që do të filloj nga data 10 korrik, pra periudha e regjistrimit si votues jashtë vendit”, tha kryeshef Ekzekutiv i Sekretariatit të KQZ-së, Burim Ahmetaj.

    Ylli Buleshkaj, drejtori i Zyrës për Regjistrimin e Partive Politike dhe Certifikim, ka njoftuar se kanë vëzhguar Konventën e 3 korrikut të PDK-së dhe nuk kanë has në ndonjë shkelje.

    “Vlen të përendet se kemi vëzhguar Konventën e zgjedhjes së kryetarit të PDK-së dhe nuk kemi vërejt diçka në kundërshtim me ligjin që e rregullon këtë fushë. Nuk kemi pasur asnjë subjekt që nuk do të marr pjesë në këto zgjedhje dhe kemi vetëm një koalicion parazgjedhor”.

    Ndërsa, përfaqësuesi i LDK-së, Florian Dushi, tha se verifikimi nuk është i nevojshëm të bëhet te të gjitha kategoritë.

    “Verifikimi nuk është i nevojshëm të bëhet te të gjitha rastet por vetëm tek disa kategori si të dyshimta. Do të zgjidhet rastësisht vetëm 2 për qind për verifikim andaj kërkojmë shfuqizimin e Vendimit për Verifikimin e Aplikacioneve për Regjistrim për periudhën e Aplikimi për Regjistrim të votuesve jashtë vendit”.

    Përfaqësuesi i VV-së, Sami Kurteshi, ka kërkuar futjen e një neni që lejon aplikim online të aplikuesve jashtë vendit.

    Artikuj të ngjashëm

    KQZ merr vendim për përkahje financiare, Vetëvendosje merr mbi 2 milionë €, PDK 665 mijë €, LDK 525 mijë €

    KQZ-ja pezullon të gjitha aktivitetet e planifikuara për zgjedhjet e 18 dhjetorit

    Shtyrja e zgjedhjeve në veri, KQZ merr një vendim të ri

    Të Fundit

    LDK thërret konferencë për media

    “Kosova është foshnje e BE-së dhe e SHBA-së”, Mandl: Ne duhet të kujdesemi për të

    Moti përgjatë fundjavës

    50 mijë kosovarë në pritje të pasaportës

    Pal Lekaj beson që Kurti “në njëfarë forme” e ka pranuar Asociacionin

    Ky portal mirëmbahet nga kompania "GazetaDemos SH.P.K". Materialet dhe informacionet në këtë portal nuk mund të kopjohen, të shtypen, ose të përdoren në çfarëdo forme tjetër për qëllime përfitimi, pa miratimin e redaksisë së "GazetaDemos SH.P.K". Për ta shfrytëzuar materialin e këtij portali obligoheni t'i pranoni kushtet e përdorimit.

    KONTAKT & MARKETING

    Rruga "Uran Ajeti", 68 Prishtinë
    info@gazetademos.com
    marketing@gazetademos.com
    Tel: +383 48 579 555

    • Lajme
    • Ndërkombëtare
    • Sport
    • Magazina
    • Stili/Jeta
    • OP/ED
    • Teknologji
    • InfoZë
    Facebook Instagram YouTube
    Te gjitha te drejtat e rezervuara © GazetaDemos - 2023

    Shkruani lart dhe shtypni Enter për të kërkuar. Shtypni Esc për të anuluar.