Mbi 470 tërmete godasin Japonin që nga e shtuna, banorët paralajmërohen për vigjilencë

Një seri prej më shumë se 470 tërmetesh të njëpasnjëshme ka goditur grupin e ishujve Tokara në jug të Japonisë që nga e shtuna, njoftoi të hënën Agjencia Meteorologjike e Japonisë (JMA).

Tërmetet, me magnitudë të paktën një ballë të shkallës Rihter, janë ndjerë lehtë nga banorët, pa shkaktuar dëme të mëdha deri më tani.

Dy tërmetet më të forta në këtë periudhë kishin magnitudë 5.1 dhe u regjistruan të dielën dhe të martën. JMA ka paralajmëruar banorët të jenë vigjilentë, duke theksuar se aktiviteti sizmik në këtë zonë ka qenë i rritur dhe ka pasur periudha të ngjashme në të kaluarën.

Grupi i ishujve Tokara përbëhet nga 12 ishuj, prej të cilëve shtatë janë të banuar nga rreth 700 banorë. Disa prej ishujve kanë vullkane aktive dhe janë të lidhur me tragete në mot të mirë. Japonia është një nga zonat më sizmikisht aktive në botë për shkak të vendndodhjes së saj në kryqëzimin e katër pllakave tektonike.

Në janar 2024, një tërmet me magnitudë 7.5 goditi Gadishullin Noto në Japoni, duke shkaktuar 470 viktima, duke kujtuar rrezikun e madh nga aktiviteti sizmik në rajon.