Maliqi për sulmin në Moskë: Mund ta përshkallëzojë luftën në Ukrainë e pasojat mund t’i ndjejmë edhe në Ballkan

Njohës i cështjeve politike, Agon Maliqi ka reaguar në lidhje me zhvillimet e fundit që po ndodhin në Moskë.

Maliqi ka thënë se narracionet e para në mediat ruse e fajësojnë perëndimin dhe Ukrainën, ndërsa narracionet e para në perëndim i kujtojnë sulmet e mëparshme terroriste në Rusi që kjo e fundit i shfrytëzonte për t’u mobilizuar në Çeçeni.

Ai tutje ka thënë se ky është një zhvillim që me shumë gjasë e përshkallëzon seriozisht luftën në Ukrainë dhe efektet e të cilit do t’i ndiejmë edhe në Ballkan.

“Njoftimi i Ambasadës së SHBA në Moskë para dy javësh: “Ekstremistët kanë plane për sulme të menjëhershme me cak tubimet masive në Moskë, përfshi koncertet…” Sonte në Moskë po zhvillohet një masakër në sallë koncertale me dhjetëra, ndoshta qindra, të vrarë. Narracionet e para në mediat ruse e fajësjonë perëndimin dhe Ukrainën.

Narracionet e para në perëndim i kujtojnë sulmet e mëparshme terroriste në Rusi që kjo e fundit i shfrytëzonte për t’u mobilizuar në Çeçeni. Në çdo rast, pas thirrjes se djeshme të Putin për mobilizim të qindra mijëra ushtarëve të tjerë, ky është një zhvillim që me shumë gjasë e përshkallëzon seriozisht luftën në Ukrainë dhe efektet e të cilit do t’i ndiejmë edhe në Ballkan.” – ka shkruar Maliqi.