Macron viziton Notre Dame, bota merr pamjen e parë brenda katedrales pesë vite pas zjarrit shkatërrues që detyroi mbylljen e saj

Një nga vendet më të shquara turistike të Parisit është planifikuar të rihapet për publikun më 8 dhjetor.

Pas më shumë se pesë vitesh mbyllje pas një zjarri shkatërrues, brendësia e re e Katedrales Notre Dame u zbulua para presidentit francez Emmanuel Macron.

Macron shoqërohej nga gruaja e tij, Brigitte, kryepeshkopi i Parisit Laurent Ulrich dhe kryebashkiaku Anne Hidalgo.

Ndërsa pjesa e brendshme zbulohet për herë të parë, ajo është planifikuar të rihapet për publikun më 8 dhjetor.

Megjithatë, pjesa e jashtme e katedrales mbetet një kantier ndërtimi i mbushur me vinça dhe skela, shkruan euronews.

Bëhet e ditur se muret gëlqerore të saj janë pastruar jo vetëm nga pluhuri i zjarrit, por edhe nga pluhuri shekullor.

Ndryshe, para zjarrit katedralja kishte tërhequr miliona vizitorë.

Por, incidenti i 15 prillit të vitit 2019 detyroi mbylljen e saj.

Vizita e Macronit ofroi një vështrim të fshehtë përpara rihapjes, duke nisur një seri ngjarjesh që çuan në zbulimin e kryeveprës gotike të shekullit të 12-të.

Presidenti francez do të kthehet më 7 dhjetor për të marrë pjesë në inaugurimin e katedrales së re.