Lushaku-Sadriu për subvencionimin e teksteve shkollore: I vonuar, kaotik dhe i pamjaftueshëm

Deputetja e Lidhjes Demokraktike të Kosovës Jehona Lushaku-Sadriu në një konferencë për media ka deklaruar se edhe ky fillimvit i ri shkollor po na gjen me shqetësime serioze për shkak të mungesës së vizionit dhe përgjegjësisë së Ministrisë së Arsimit.

Sipas saj, ky proces është i vonuar, kaotik dhe i pamjaftueshëm.

‘’Po e nisim edhe këtë vit shkollor pa ndonjë risi në sistem të arsimit, pa ndonjë reformë përmbajtjësore që do të ngriste cilësinë dhe me një mungesë përgjegjësie totale për sa i përket përmbushjes ligjore që ka ministria ndaj institucioneve shkollore’’, deklaroi ajo.