Lul Raka flet për herë të parë për sëmundjen e djalit të tij

Mikrobiologu, Lul Raka, është rikthyer së fundmi në një intervistë në emisionin “Kendiv” në T7.

Pas disa muajsh larg mediave, ai erdhi në një rrëfim për fëmijërinë, familjen, shkollimin dhe shumëçka tjetër. Ndërsa, foli edhe për periudhën e vështirë, atë të pandemisë.

Ndër të tjera, Raka duke folur për familjen, rrëfeu edhe për sëmundjen me të cilën përballet djali i tij, Lumi. Ai deklaroi se momenti kur e kishte kuptuar për sëmundje, ishte periudha më e vështirë e jetës së tij dhe familjes, gjithashtu.

Tregoi se me Lumin e ka një raport të veçantë, teksa atij i ka bërë edhe një premtim.