Luizi dhe Qetsori: Reforma e parë do jetë kontrolli i sirtarëve

Kujtojmë që orë më parë vëllau i madh iu dha banorëve një sfidë që të krijojnë qeverinë e BBVA-së, ku Luizi ka kandiduar që të jetë kryeministër i shtëpisë, shkruan GazetaDemos.

Luizi i tha vajzave që ta mendojnë mirë nominimn, sepse sipas tij vendimi i tyre do ketë pasojë dhe do të ndikojë në lojë.

Vajzat nuk e kanë marrë aq shumë seriozisht sa ai, madje Nita tha se nuk është fundi i botës. Luiz inga ana tjetër, duke bërë xhiro rreth e qark pishinës, u shpreh se po mendon për kabinetin e tij qeveritar.

Luizi tha se pas ndarjes së pozicioneve, punët do ndahen në mënyrë të barabartë për të gjithë. Ai u shpreh se gjithësecili do marrë aq ushqim sa i takon dhe se do kontrollohen sirtarët për produkte, apo sende të tjera të fshehura.