Luis Enrique arrin në Londër, gati ta marrë në dorë Chelsean

Luis Enrique ka arritur sot në Londër për të diskutuar me Chelsean.

Trajneri spanjoll është njëri prej kandidatëve për të marrë në dorë ekipin londinez.

Ish-trajneri i Romës dhe i Barcelonës, i cili së fundmi u largua nga Kombëtarja e Spanjës, është i interesuar për ta provuar një eksperiencë të re në Premierligë, njofton gazetari sportiv italian, Fabrizio Romano.

Ish-futbollisti i Barcelonës dhe i Real Madridit është i vendosur 100 për qind që ta marrë menaxhimin e “Blues”, të cilët së fundmi u ndanë me trajnerin Graham Potter.

Një tjetër kandidat për klubin nga “Stamford Bridge” është edhe Mauricio Pochettino, por me gjasë në bankinën e të kaltërve do të ulet pikërisht Luis Enrique.

Chelsea ishte klubi më aktiv në afatin kalimtar të janarit, por rezultatet e këtij ekipi ishin dëshpëruese në këtë edicion.