Llogaria e Komunës së Suharekës zbllokohet, Muharremaj: Presioni publik dha rezultat

Kryetari i Suharekës, Bali Muharremaj, ka thënë se xhirollogaira e Komunës së Suharekës është aktive tashmë.

Të hënën, Komuna e Suharekës ishte njoftuar për bllokimin e xhirollogarisë bankare, gjë për të cilën kishte reaguar edhe Asociacioni i komunave të Kosovës (AKK).

Muharremaj të hënën kishte thënë se Qeveria po e bën qëllimshëm këtë, duke shtuar se projektet do të ngecin.

“Presioni publik dha rezultat.  Pas emisionit tek  gazetari Arsim Lani nga T7, u njoftova  se xhirollogaria e Komunës së Suharekës është tashmë aktive.  Faleminderit mediave kudo për angazhimin e sotëm. Sigurisht do të njoftohemi se sa është shpenzimi financiar.  Puna do të vazhdoj e nuk do të ndalemi asnjëherë, për shërbim ndaj qytetarëve”, ka thënë Muharremaj.