Skuadra e Llapit ka transferuar sulmuesin anësor nga Azerbejxhani, Araz Abdullayev.
31 vjeçari është transferuar tek Llapi, teksa ka bagazh të madh, pasi ka luajtur në skuadra si Qarabag, Famagusta, Boluspor e Neftchi Baku.
Ai poashtu ka luajtur në kombëtare të Azerbejxhanit, shkruan GazetaBlic Sport.
Më poshtë keni njoftimin e Llapit:
𝗪𝗲𝗹𝗰𝗼𝗺𝗲 𝗔𝗿𝗮𝘇 𝗔𝗯𝗱𝘂𝗹𝗹𝗮𝘆𝗲𝘃 ✍️
Sulmuesi anësor, Araz Abdullayev, i lindur më 18.04.1992 në Baku, ish-reprezentues i Kombëtares së Azerbejxhanit ka nënshkruar me Llapin.
“Araz” ka përvojë të madhe pasi mbi supe ka mbi 326 ndeshje të zhvilluara apo 18.635′ në total.
31-vjeçari ka djersitur fanellën e Kombëtares së Azerbejxhanit në 44 ndeshje.
Klubet për të cilat është paraqitur Araz janë klube të njohura për publikun dhe futbolldashësit tanë.
Neftchi Baku – 168 ndeshje, 29 gola e 2 asistime
Qarabağ FK – 50 ndeshje, 4 gola e 2 asistime
Anorthosis Famagusta – 29 ndeshje, 3 gola e 3 asistime
Boluspor – 26 ndeshje, 2 gola e 4 asistim
Mëngjesin e sotëm, sulmuesi më i ri i klubit tonë ka kaluar me sukses ekzaminimet mjekësore dhe pas prezantimit të tij me fanellën e klubit tonë i është bashkuar ekipit në stërvitje.
Mirëpresim transferimin e Araz në klubin tonë duke shpresuar që përvoja dhe kualiteti i tij do t’i ndihmoj edhe më tepër fazës ofanzive në ndeshjet në vijim.