Lladrovci thotë se suksesin e komunës për performancë ua dedikon heronjve kombëtarë

Komuna e Drenasit ka arritur sukses duke u shpallur zyrtarisht kampione e Performancës Komunale për të gjashtën herë radhazi, me një rezultat të shkëlqyer prej 82 pikësh.

Kryetari i komunës, Ramiz Lladrovci, e dedikon këtë arritje heroikëve të Drenasit, duke përmendur emrat e Fehmiut dhe Xhevës, si dhe të gjithë dëshmorët dhe martirët e komunës.

”Vendit të parë, moti ia kemi marrë dorën!

Urime qytetarë të Drenasit – komuna kampione e performancës komunale!

Sot, zyrtarisht u njoftuam nga Komisioni i Grantit të Performancës Komunale se Komuna e Drenasit është renditur e para me 82 pikë dhe shpallet kampione për të gjashtën herë radhazi!

Këtë sukses ia dedikojmë heronjve tanë kombëtarë, Fehmiut, Xhevës dhe të gjithë dëshmorëve dhe martirëve të komunës tonë, në shenjë nderimi dhe krenarie për veprën e tyre heroike, duke e lidhur këtë arritje me trashëgiminë tonë kombëtare”.