Lladrovci publikon foto nga darka e PDK’së pas Konventës: Shokët na mungojnë

Partia Demokratike e Kosovës zgjodhi sot Memli Krasniqin kryetar të partisë. Për këtë, anëtarë të partisë po festojnë akoma. Disa prej tyre janë mbledhur për të darkuar së bashku.

I pari i Drenasit, Ramiz Laladrovci, ka publikuar fotografi me bashkëpartiakët. Ai i uron suksese Krasniqit në detyrën e re. Thotë se i pret punë e madhe.

“Na pret punë e madhe dhe rikthimi i fuqishëm në zgjedhjet lokale edhe në komunat tjera të Kosovës, duke i konfirmuar kauzat e lidhura ngushtë me interesin qytetar dhe Republikës së Kosovës, me zërin tonë të qartë, të sinqertë dhe të drejtë. Këtë mund ta arrijmë vetëm të bashkuar, ashtu sikur ishim sot në Konventë’, thotë Lladrovci.

“Energjia e PDK-së, është e njohur për secilin që merret seriozisht me vlerat, kontributin dhe synimet e partive politike në vend, për kontributin e personaliteteve të saj gjatë shekullit të shkuar për çlirim dhe këto 22 vjet për shtetin dhe kombin”, shtoi ai.

Ai kujtoi ish-kryetarët e partisë që ndodhen në Hagë.

“Shokët na mungojnë por ata nuk presin nga ne të ligemi’, tha Lladrovci.

Shkrimi i plotw i Lladrovcit nw Facebook:

Pas Konventës së jashtëzakonshme, zgjedhjes së kryetarit të ri, Memli Krasniqit, së bashku vazhduam pa protokoll, rekapitullimin e kësaj dite, për konventat e mëhershme dhe kujtimet që nga themelimi i PDK-së. Ditë sa e rëndë aq e domosdoshme për ecjen përpara. Shokët na mungojnë por ata nuk presin nga ne të ligemi.

Energjia e PDK-së, është e njohur për secilin që merret seriozisht me vlerat, kontributin dhe synimet e partive politike në vend, për kontributin e personaliteteve të saj gjatë shekullit të shkuar për çlirim dhe këto 22 vjet për shtetin dhe kombin.

Na pret punë e madhe dhe rikthimi i fuqishëm në zgjedhjet lokale edhe në komunat tjera të Kosovës, duke i konfirmuar kauzat e lidhura ngushtë me interesin qytetar dhe Republikës së Kosovës, me zërin tonë të qartë, të sinqertë dhe të drejtë. Këtë mund ta arrijmë vetëm të bashkuar, ashtu sikur ishim sot në Konventë.

Suksese Memli. Faleminderit prof. Enver. Na priftë e mbara!