Lladrovci priti në takim ambasadorin finlandez Nissinen, gatishmëri për thellim bashkëpunimi

Kryetari i komunës së Drenasit, Ramiz Lladrovci, priti në takim, ambasadorin finlandez në Kosovë, Matti Nissinen, me ç’rast u diskutua për raportet e shkëlqyera dhe mundësitë e thellimit të bashkëpunimit ndërmjet Drenasit dhe komunave finlandeze në arsim dhe fushat tjera me interes të përbashkët.

Lladrovci ka theksuar se në takim ka cekur rëndësinë e arsimit si prioritet i cili ka përkrahjen e tij të plotë, për performancën komunale si dhe sfidat me të cilat ballafaqohet komuna.

“Ujërat e zeza dhe ndotja e ambientit, ishin dy nga çështjet që i veçova në takim”, ka shkruar ai.

Postimi i plotë i Lladrovcit:

Sot, pata kënaqësinë të pres në takim, Shkëlqesinë e tij, Ambasadorin e Finlandës, Matti Nissinen dhe me këtë rast, theksova raportet e shkëlqyera me komunën Laukka në lëmin e arsimit, me shkollat dhe arsimtarët finlandezë, si dhe bashkëpunimin e nxënësve tanë me mësimet e përbashkëta online me nxënësit finlandezë.