Janë liruar dy edukatoret që akuzohen se e kanë keqtrajtuar një trevjeçar në kopshtin “Gëzimi ynë” në Fushë Kosovë.
Avokati i njërës prej të akuzuarave, Taulant Ismajli, në Klan Kosova, tha se e njëjta nuk ka pasur mundësi ta kapë ndryshe fëmijën.
Ai gjithashtu u shpreh se fëmija sapo kishte ardhur në çerdhe dhe siç tha Ismajli, kishte probleme me rehabilitimin dhe hiperaktivitetin.
“E mbrojtura ime vetëm ka bërë humanitet me rastin e kapjes së fëmijës në atë mënyrë ashtu siç shihet edhe në video-incizim, e njëjta nuk ka pasur mundësi të kapjes ndryshe, sepse fëmija sapo kishte ardhur në çerdhe, nuk kishte 4-5 ditë që kishte filluar vijim në çerdhe dhe kishte probleme me rehabilitimin dhe hiperaktivitetin”, u shpreh ai.