Lirim Mehmetaj ftohet nga Gjykata, gazetari e fton gjykatësen në shtëpinë e tij

Gazetari Lirim Mehmetaj ka reaguar pas ftesës së Gjykatës Themelore në Prishtinë për të marrë pjesë në një seancë dëgjimore, pas padisë së ngritur nga këshilltari i Kryeministrit, Jusuf Ulaj.

Mehmetaj ka deklaruar se është i gatshëm për seancën, por jo në gjykatë, por në shtëpinë e tij. Ai madje ka caktuar edhe vendin dhe orën e mbajtjes: “Kati i parë. Kuzhinë. Dita e diel. Ora 23:42.”

Postimi i plotë: 

Takohemi në kuzhinë

Gjykata Themelore në Prishtinë, Departamenti i Përgjithshëm më ka dërguar një ftesë për pjesëmarrje në një seancë dëgjimore. 

Mua dhe disa kolegë gazetarë na ka paditur këshilltari i Albin Kurtit, Jusuf Ulaj. 

Ftesa po thotë që nëse nuk shkoj në seancë merret masë urgjente, me demek dërgim me polici para gjykatës. 

Nuk ka nevojë për masë urgjente. Unë jam I gatshëm për seancë, por në shtëpinë time. 

Për shkak të angazhimeve të shumta si gazetar e kam të pamundur të paraqitem në gjykatë. 

Ftoj gjykatësen, Ujëvesa Hysenaj, ta kryejmë këtë procedurë në shtëpinë time. 

Këtu keni edhe orarin e propozuara: 

Vendi, Shtëpia ime: Kati i parë. Kuzhinë. 

Dita e diel. 

Ora: 23 e 42. 

Për orare të tjera mund të flasim në të ardhmen. Nuk e kam problem t’iu përshtatem.