Letra e BE-së për Kurtin, deklarohen nga Qeveria

Qeveria në detyrë e Kosovës ka komentuar më në fund letrën e shefit të misionit të BE-së e cila është bërë publike më herët.

Në të, kryeministri në detyrë, Albin Kurti është qortuar ashpër mbi zhvillimet aktuale në vend.

Lidhur me këtë, zëdhënësi i Qeverisë në detyrë, Përparim Kryeziu, për KosovaPress tha se kryeministri Kurti është në detyrë, dhe se kryeministria është vendi i tij i punës.

“Kushdo që kërkon takim me kryeministrin në detyrë të Republikës së Kosovës, duhet të vijë në vendin ku punon kryeministri në detyrë i Republikës së Kosovës.  Gjithsesi kjo nuk do të thotë që nuk mbanë takime pune edhe jashtë zyrës së tij – por për këtë duhet të ketë dakordim të palëve. Takime jashtë mjediseve të kryeministrisë kanë ndodhur edhe në të kaluarën edhe gjatë kohës sa ka qenë me mandat të plotë,” ka thënë Kryeziu.