LDK mban dy takime me kryesinë, Besian Mustafa merr pozitë të re brenda partisë

Lidhja Demokratike e Kosovës ka mbajtur sot dy takime, një me mbledhjen e Kryesisë dhe një me kryetarë të degëve të partisë.

LDK përmes një komunikate për media, ka bërë të ditur se në takime u diskutua për ciklin debatues që partia ka nisur tash e disa javë, “LDK ju dëgjon”.

Tutje, thuhet se në të dy mbledhjet u theksua që cikli i takiemve ka qenë formë e duhur për t’u njohur më afër me problemet me të cilat po përballen qytetarët.

“LDK do të vazhdojë këtë cikël të takimeve duke intensifikuar punën e saj në terren, për të dëgjuar e kuptuar nevojat e qytetarëve tanë”, thuhet në komunikatë.

Po ashtu, është bërë e ditur që deputeti Besian Mustafa ka marrë një pozitë të re brenda partisë, si Koordinator i Shkollës Politike.

“Po ashtu, Besian Mustafa është emëruar Koordinator i Shkollës Politike, e cila do të promovojë vlerat e demokracisë, si parti e qendrës së djathë që në epiqendër ka lirinë individuale, familjen dhe ekonominë e lirë të tregut”, është thënë në njoftim.

Komunikata e plotë:

Sot, në takime të ndara është mbajtur mbledhja e Kryesisë dhe mbledhja me kryetarë të degëve të Lidhjes Demokratike të Kosovës. Fokusi kryesor ishte mbarëvatjtja e ciklit debatues e diskutues “LDK ju dëgjon”, që tashmë po merr formë e shtrirje në gjithë territorin e vendit.

Në të dyja mbledhjet u shprehën mendimet dhe vlerësimet që cikli i takimeve “LDK ju dëgjon”, ka qenë forma e duhur për t’i njohur nga afër problemet dhe sfidat që po përballen qytetarët në këtë kohë të krizës ekonomike.

LDK do të vazhdojë këtë cikël të takimeve duke intensifikuar punën e saj në terren, për të dëgjuar e kuptuar nevojat e qytetarëve tanë.

Po ashtu, Besian Mustafa është emëruar Koordinator i Shkollës Politike, e cila do të promovojë vlerat e demokracisë, si parti e qendrës së djathë që në epiqendër ka lirinë individuale, familjen dhe ekonominë e lirë të tregut.

Lidhja Demokratike e Kosovës do të mobilozohet gjithandej Kosovës, për të inkorporuar problemet e sfidat e qytetarëve në planin qeverisës e për t’i dhënë zgjidhje e alternativë konkrete nevojave e kërkesave të vendit tonë.