LDK-ja nuk përkrahu marshin për drejtësi, Gashi: S’e kuptoj pse nuk ishte aty të paktën formalisht

Lidhja Demokratike e Kosovës nuk ishte në mesin e subjekteve politike të cilat mbështetën marshin “Liria ka emër” në mbështetje të ish-krerëve të UÇK-së.

Një veprim i tillë ndonëse i pakuptueshëm, u vlerësua si jo i rastësishëm nga ana e analistit Dardan Gashi.

“Nuk është e rastësishme që ti si një parti politike vendos të mos ta përkrahësh një diçka të tillë dhe për mua problematike sepse kur lypim drejtësi, lypim drejtësi. Nuk ke fushatë për të  kërkuar mosdrejtësi. Nuk e kuptoj pse LDK-ja nuk ishte aty të paktën formalisht. Edhe VV-ja hyri si me zor”, deklaroi ai.

Krahas kësaj, i njëjti tha se nuk duhet përjashtuar mundësia se një gjë e tillë mund të përdoret edhe për qëllime politike nga subjektet politike në vend.

Marshi “Liria ka emër” mblodhi përafërsisht 100 mijë marshues në kryeqytetin e Prishtinës. I njëjti u mbështet nga PDK, LVV, PSD dhe figura publike të vendit.