Lavrov thotë se janë afër marrëveshjes me Ukrainën, zbulon disa detaje

Bisedimet e paqes midis Rusisë dhe Ukrainës nuk janë “të lehta”, por ka “shpresë për kompromis”, tha ministri i Jashtëm rus Sergei Lavrov.

“Unë flas nga vlerësimet e bëra nga negociatorët tanë”, tha Lavrov.

“Ata thonë se negociatat nuk janë të lehta për arsye të dukshme. Por megjithatë, ka njëfarë shprese për të arritur një kompromis”, citon Reuters të ketë thënë Lavrov gjatë një interviste me gazetën RBC.

Lavrov tha se problemet nuk kanë të bëjnë vetëm me neutralitetin dhe çmilitarizimin e Ukrainës, por edhe me sigurinë për njerëzit në Ukrainën lindore – ku janë zonat e Donjeck dhe Luhansk të kontrolluara nga rebelët.