LAJMI I FUNDIT: Ja ku i janë shfaqur shenjat pacientit i cili po dyshohet se u infektua nga Lija e majmunëve

Në Kosovë po dyshohet se ka arritur sëmundja e Lijës së Majmunëve.

Kjo pasiqë, një pacient është i shtrirë në Klinikën Infektive me disa simptoma të ngjajshme me këtë sëmundje.

IndeksOnline mëson nga burime të sigurta brenda klinikës se një person është shtrirë para 6 orëve në Infektivë.

I njëjti ka disa shenja në duar, që përkojnë më ato të sëmundjes së Lijës së Majmunëve.

Mirëpo, deri tani askush nga QKUK nuk nuk konfirmuar se ky pacient është pozitiv me këtë sëmundje.

Rastet e infektimit me këtë virus tashmë janë shfaqur në Angli, Portugali, Spanjë, Suedi e së fundmi edhe në Itali.

Lidhur me këtë virus edhe Instituti Kombëtar i Shëndetësisë Publike të Kosovës ka dalë me disa informacione ditë më parë:

“Lija e majmunëve është zakonisht sëmundje me simptoma të kufizuara që zgjasin nga 2 deri në 4 javë. Mund të ndodhin raste të rënda. Kohët e fundit, raporti i fatalitetit të rasteve ka qenë rreth 3-6%”, thonë në IKSHPK.

Më poshtë i gjeni informatat rreth këtij infeksioni të publikuara nga IKSHPK:

Disa informacione për lijën e majmunëve:

• Lija e majmunëve shkaktohet nga virusi i lisë së majmunëve, anëtar i gjinisë Orthopoxvirus në familjen Poxviridae.
• Lija e majmunëve është sëmundje zoonotike virale që shfaqet kryesisht në zonat tropikale të pyjeve të Afrikës Qendrore dhe Perëndimore dhe herë pas here eksportohet në rajone të tjera.
• Lija e majmunëve zakonisht shfaqet klinikisht me ethe, skuqje dhe ënjtje të nyjeve limfatike dhe mund të çojë në sërë komplikimesh mjekësore.
• Lija e majmunëve është zakonisht sëmundje me simptoma të kufizuara që zgjasin nga 2 deri në 4 javë. Mund të ndodhin raste të rënda. Kohët e fundit, raporti i fatalitetit të rasteve ka qenë rreth 3-6%.
• Lija e majmunit transmetohet te njerëzit nëpërmjet kontaktit të ngushtë me person ose kafshë të infektuar, ose me material të kontaminuar me virusin.
• Virusi i lisë së majmunit transmetohet nga një person te tjetri nëpërmjet kontaktit të ngushtë me lezione, lëngje trupore, pika të frymëmarrjes dhe materiale të kontaminuara si shtrati.
• Paraqitja klinike e lisë së majmunëve i ngjan asaj të lisë, një infeksion i lidhur me ortopoksvirusin i cili u shpall i çrrënjosur në mbarë botën në vitin 1980. Lija e majmunëve është më pak ngjitëse se lija dhe shkakton sëmundje më pak të rënda.
• Vaksinat e përdorura gjatë programit të çrrënjosjes së lisë ofruan gjithashtu mbrojtje kundër lisë së majmunëve. Janë zhvilluar vaksina më të reja nga të cilat njëra është miratuar për parandalimin e lisë së majmunëve.
• Një agjent antiviral i zhvilluar për trajtimin e lisë është licencuar gjithashtu për trajtimin e lisë së majmunëve.