LAJMI I FUNDIT: Edhe një shkollë në Kosovë vendos ta ndërpresë nga nesër grevën

Shkolla e Fillore e Mesme e Ulët ,,Lidhja e Prizrenit” në Deçan ka njoftuar se nga e hëna e 26 shtatorit do të nis procesin mësimor, njofton GazetaDemos.

Drejtori i kësaj shkolle, Qazim Maloku ka njoftuar se grevën do ta zhvillojnë në një tjetër formë dhe jo duke e ndërprerë plotësisht procesin mësimor.

“Ne, njëzëri u dakorduam që greven ta përkrahim me protestë në rrugë para hyrjes së shkollës nga të dy ndërrimet, duke filluar në 12:15 deri në 12:45 çdo ditë pune deri në realizimin e kerkesave tona të parashtruara nga SBASHK-u! Organet e policisë në Deçan janë të njoftuar me protestën dhe kohën e mbajtjes”, thuhet në njoftim. /DEMOS/

Njoftimi i plotë:

SHFMU,,Lidhja e Prizrenit” Deçan

NJOFTIM: Njoftohen nxënësit dhe prindërit që pas një analize dhe diskutimi të mbajtur të premten me mësimdhënësit e shkollës sonë me 23.9.2022 u vendos që mësimi të fillojë të hënën me 26.09.2022! Ne, njëzëri u dakorduam që greven ta përkrahim me protestë në rrugë para hyrjes së shkollës nga të dy ndërrimet, duke filluar në 12:15 deri në 12:45 çdo ditë pune deri në realizimin e kerkesave tona të parashtruara nga SBASHK-u! Organet e policisë në Deçan janë të njoftuar me protestën dhe kohën e mbajtjes. Me respekt drejtori i shkollës !