Deklarohet presidentja Osmani para nisjes së Samitit të BE-së, flet rreth liberalizimit të vizave

Presidentja e vendit, Vjosa Osmani ka folur para nisjes së samit dyditor në Bruksel, të paraprirë nga një takim i krerëve të shteteve dhe qeverive të BE-së dhe Ballkanit Perëndimor.

Osmani para mediave ka thënë se ka shpresa për vendim për liberalizim të vizave për Kosovën, por ka potencuar se nuk dëshiron të rrisë pritshmëritë në këtë kohë ngase bëhet fjalë për një proces që varet nga vendet anëtare të BE-së.

Osmani ka ripërsëritur se Kosova ka përmbushur të gjitha kushtet për liberalizim të vizave dhe se Parlamenti Evropian ka rekomanduar heqjen e regjimit të vizave për Kosovën.

“Ne kemi shpresa, por nuk dua të rrisë pritshmëritë në këtë kohë, sepse ky proces nuk varet nga ne. Kosova ka përmbushur kushtet dhe tani është koha që vendet anëtare të marrin vendim, sepse është padrejtësi e madhe për Kosovën. Ne kemi përmbushur kriteret katër vite më parë. Është koha që vendet e BE-së të marrin vendim. Rruga euroatlantike  është alternativa jonë e vetme, besoj se për këtë arsye të gjitha vendet e Ballkanit Perëndimor e meritojnë të jenë këtu sot dhe të shprehin pikëpamjet e tyre”, u shpreh Osmani para gazetarëve.

Takimi i liderëve të BE-së dhe gjashtë partnerëve nga Ballkani Perëndimor fillon në orën 09:30 në ndërtesën e Këshillit Evropian.