Dukagjin Nikolla esktradohet në Kosovë, i shumëkërkuari nga FBI që dyshohet se u përfshi në vrasjen në Bon Vivant

I shumëkërkuari nga FBI që dyshohet se u përfshi në vrasjen në Bon Vivant, Dukagjin Nikolla është esktraduar në Kosovë.

Kështu merr vesh GAZETADEMOS eksluzivisht nga burimet e veta.

Burimet kanë bërë me dije se i njejti momentalisht ndodhet tek Krimet e Rënda ku po intervistohet nga Policia e Kosovës.

Më 5 gusht 2023, një person kishte vdekur nga katër të plagosurit në “Bon Vivant”. Ngjarja raportohet se ndodhi si pasojë e një mosmarrëveshjeje mes të dyshuarve.

Për këtë vrasje, Andi Pajaziti ishte liruar nga akuza derisa ishte shpallur fajtor për armëmbajtje pa leje, duke i marrë dy vite burgim.

“Duka”, ishte shpallur në kërkim nga Policia e Kosovës në gusht të vitit 2023,  për rastin në Bon Vivant. Ai dyshohet se është ndër personat kyç që u përfshinë në përleshjen me armë në lokalin në mes të Prishtinës.

Ai po kërkohej për “Vrasje të rënde në tentativë”, “Shkaktim i rrezikut të përgjithshëm”, “Përdorim i armës apo mjetit të rrezikshëm”, “Mbajtja në pronësi kontroll ose posedim të pa autorizuar të armëve”.

Gjatë këtij incidenti mbeti i vdekur Kastriot Ramadani, si dhe u plagosën e lënduan 20 persona tjerë.

Duka dyshohet se ka plagosur me armë zjarri tashmë të arrestuarin, Andi Pajaziti.

Përveç dyshimit se ishte përfshirë në ngjarjen nw Prishtinë, “Duka” ka të kaluar kriminale edhe në Shtetet e Bashkuara të Amerikës, pasi rezulton një prej shqiptarëve më të kërkuar nga FBI.

Dukagjin Nikollaj, sipas Byrosë Federale të Hetimeve (FBI), dyshohet të jetë i përfshirë në blerjen e sasive të mëdha të marijuanës nga Kanada dhe shpërndarjen e tyre në zonën e New Yorkut.

“Duka” thuhet të jetë pjesëtarë i organizatës kriminale “Krasniqi Organization”, të dyshuar për trafikim droge dhe vrasje.

Urdhër arresti për “Dukën” është lëshuar në maj të vitit 2010 nën akuzat për shpërndarje të lëndëve narkotike. Ai ka kontrolluar rrethin e drogës nga viti 2003 deri në vitin 2007.

Sipas FBI ai dyshohet të jetë i përfshirë në blerjen e sasive të mëdha të marijuanës nga Kanada dhe shpërndarjen në zonën e Nju Jorkut.