Lajm i mirë për Juventusin, Chiesa rikthehet në fundjavë

Federico Chiesa më në fund do të kthehet në skuadrën e Juventusit pas lëndimit të rëndë të gjurit.

Anësori 25-vjeçar italian pësoi një këputje të ligamentit në janar, që e la jashtë fushës për pjesën tjetër të vitit. Ai u kthye në stërvitje në fillim të këtij muaji dhe ka punuar ngadalë drej trikthimit.

Siç raportohet nga Tuttosport, Massimiliano Allegri dhe Federico Cherubini po ndiqnin nga afër Chiesa në një seancë stërvitore me skuadrën e Primavera dje. Ish-anësori i Fiorentinës ka mundësinë të përfshihet në skuadër për ndeshjen e ardhshme kundër Lecces, dhe nëse jo në fundjavë, atëherë Chiesa mund të luajë disa minuta në ndeshjen e fundit të grupeve të Champions League kundër Paris Saint-Germain javën e ardhshme.

Chiesa do të jetë një figurë kyçe në skuadrën e Juventusit në gjysmën e dytë të sezonit dhe Allegri dëshiron të sigurohet që të jetë në gjendje të mirë për vitin e ri.