Lajçaku në Strasburg, informon shtetet anëtare të BE-së mbi gjendjen aktuale në dialog

I

dërguari special i Bashkimit Evropian, Miroslav Lajçak, i ka informuar shtetet anëtare të Bashkimit Evropian mbi gjendjen aktuale në dialogun Kosovë-Serbi.

Lajçak, mes tjerash thekson se uniteti i Bashkimit Evropian është kyç për të forcuar pozicionin e tyre politik në Ballkanin Perëndimor.

“Mirë që u riktheva në Këshillin e Evropës në Strasburg pas gati 2 vitesh. E çmoj mundësinë për të informuar shtetet anëtare të Bashkimit Evropian mbi situatën aktuale dhe sfidat përpara në dialogun e lehtësuar nga BE. Uniteti i Bashkimit Evropian është kyç për të forcuar pozicionin tonë politik në Ballkanin Perëndimor”, shkroi Lajçak në rrjetin social X.