Albanian
Croatian
English
French
German
Serbian
Turkish
Kryeministri i Kosovës, Albin Kurti, gjatë pjesëmarrjes së tij Forumin e Bledit është takuar edhe me emisarin evropian për dialogun Kosovë-Serbi, Miroslav Lajçak.
Kur njoftoi për takimin, Lajçak ka paralajmëruar një takim i nivelit të lartë në mes Kosovës dhe Serbisë, që pritet të mbahet në shtator, transmeton Reporteri.net.
Siç bëri të ditur emisari Lajçak, ky takim do të fokusohet te normalizimi i marrëdhënieve si dhe zbatimi i deklaratës së 3 qershorit, një marrëveshje mes Kosovës dhe Bashkimit Evropian për hapat që Qeveria e Kosovës duhet t’i ndërmarrë për de-eskalimin e situatës në Veri.
”Pata një takim të rëndësishëm me kryeministrin Albin Kurti sot në Bled. Tema jonë kryesore e diskutimit ishin përgatitjet e Takimit të radhës të Dialogut të Nivelit të Lartë në shtator me fokus normalizimin e marrëdhënieve dhe zbatimin e deklaratës të 3 qershorit”, ka shkruar Lajçak në Twitter.
Had an important meeting with PM @albinkurti today in Bled. Our primary topic of discussion were the preparations of the next High-level Meeting of the Dialogue in September with the focus on normalisation of relations and the implementation of the 🇪🇺 statement of 3 June. pic.twitter.com/D1hiwteDYr
— Miroslav Lajčák (@MiroslavLajcak) August 28, 2023
Mundësitë për takim të Nivelit të Lartë i ka vokalizuar edhe Qeveria e Kosovës përmes një komunikate për media.
“Me Lajçakun Kryeministri diskutoi edhe për mundësitë për një takim të radhës të nivelit të lartë në Bruksel gjatë shtatorit”, thuhet në komunikatë.
Qeveria dha edhe detaje tjera nga biseda.
“Në lidhje me situatën në katër komunat në veri të Kosovës, Kryeministri kujtoi që tashmë kemi një situate të de-eskaluar e cila nuk duhet të ri-eskalohet. Kosova tashmë është duke punuar në legjislacionin dytësor për zgjedhjet e hershme të cilave duhet të ju prij një kampanjë e hapur, pa frikësime dhe shantazhe e pasuar me zgjedhje të lira e demokratike”.
“Kryeministri tha në dritën e fjalimit të presidentit të Këshillit Evropian për integrim të Ballkanit Perëndimor në Bashkimin Evropian deri në vitin 2030 është e rëndësishme që të ketë avancim drejt normalizimit të plotë me njohje reciproke”.
