Dyshohet se një person ka rënë nga kati i katërt i një ndërtese në Prishtinë, shkruan GazetaDemos.
Sipas informacioneve nga dëshmitarët e rastit, ngjarja ka ndodhur në afërsi të qendrës tregtare “Dardha” në lagjen “Emshir” të Prishtinës.
Bëhet e ditur se në vendin e ngjarjes janë Policia dhe Emergjenca. Ndërkaq, viktima është dërguar në QKUK.
Sipas burimeve të Demos, viktima është grua, ndërsa dy dëshmitarë të rastit janë shoqëruar në polici.
GazetaDemos ka kontaktuar me Policinë e Kosovës, mirëpo të njëjtit kanë thënë se ende nuk kanë ndonjë informacion në lidhje me këtë rast.
Pamjet nga vendi i ngjarjes: