Close Menu
    sq Albanian
    sq Albanianhr Croatianen Englishfr Frenchde Germansr Serbiantr Turkish
    sq Albanian
    sq Albanianhr Croatianen Englishfr Frenchde Germansr Serbiantr Turkish
    Sport

    Kyle Walker pranon ofertën e Bayern Munichut

    Kyle Walker thuhet se ka rënë dakord t’i bashkohet kampionit gjerman, Bayern Munich, pasi u duk se ai do të nënshkruante një marrëveshje të re me Manchester Cityn.


    Bayern ka kohë që ka ndjekur reprezentuesin anglez, por muajin e kaluar Walker u duk se hodhi poshtë thashethemet duke shprehur dëshirën për të qëndruar në City dhe duke hyrë në bisedime për kontratë të re me klubin .

    Megjithatë, tani ai duket se ka ndryshuar mendje, me Sky Sport Germany që raporton se 33-vjeçari ka “arritur një marrëveshje verbale me klubin” dhe është gati të nënshkruajë për Bayernin.

    Që kur u bashkua nga Spurs në vitin 2017, Walker ka luajtur një rol të madh në skuadrën pushtuese të Pep Guardiolës, duke fituar pesë tituj të ligës dhe së fundmi një trofe të shumëpritur të Ligës së Kampionëve.

    Megjithatë, duket sikur ai është gati për një sfidë të re, dhe lëvizja e përfolur prej rreth 17 milionë eurosh te Bayern mund të jetë mundësia e përsosur për të që të sigurojë një vend të garantuar në 11-shen titullare, pasi 27 paraqitjet e sezonit të kaluar në ligë ndoshta nuk e kënaqen mbrojtësin e djathtë me përvojë).

    Lëvizja e mundshme e Walker në Bayern mund t’i hapë një rrugë mbrojtësit të djathtë francez Benjamin Pavard që të largohet nga Allianz Arena.

    Destinacioni i Walker tani do të varet nëse Bayern mund të bie dakord për një tarifë transferimi me Cityn, megjithëse dëshira e anglezit për t’u larguar duket e qartë.

    Artikuj të ngjashëm