Ky është vendi në Shqipëri ku kosovarët po e preferojnë për pushime

Afërsia me Kosovën e ka kthyer padyshim Shëngjinin në zgjedhjen e parë për pushime verore për vizitorët nga Kosova. Të ardhurit nga Kosova janë besnikë ndaj këtij bregdeti.

Shembulli më i mirë i këtij rasti është Latif Muca nga Prizreni, i cili që prej vitit 2001 zgjedh të pushojë në bregdetin shqiptar.

Ai na tregon edhe arsyen pse çdo vit zgjedh të qëndrojë në plazhin e Shëngjinit. Për kushtet, thotë se këtu do të kthehet sërish.

Shëngjini është ndër plazhet më të preferuara në veri të vendit nga vizitorë e turistë të shumtë.

Në vend të parë janë vizitorët nga Kosova, të cilët këtë zonë bregdetare nuk e zgjedhin vetëm për pushime. Shumë prej tyre kanë vendosur të investojnë, duke blerë apartamente në Shëngjin. / Klan News