Ky është i riu që vdiq fatalisht në aksidentin e rëndë në Grazhdanik të Prizrenit

Një aksident tragjik ka ndodhur pasditen e së shtunës në fshatin Grazhdanik të Komunës së Prizrenit, ku si pasojë e përplasjes ndërmjet një veture dhe një motoçiklete ka humbur jetën një i mitur, ndërsa dy persona të tjerë kanë mbetur të lënduar.

I mituri që vdiq në aksident është  Geltian Shala, lajmi u bë i ditur nga shkolla e të ndjerit.

“Me pikëllim morëm lajmin për humbjen e jetës tragjikisht të nxënësit të shkollës sonë Geltian Shala, nxënës i klasës XII/1. Në shenjë nderimi, shkolla i pezullon aktivitetet kulturore -artistike, të parapara për gjatë këtyre ditëve.
Gelti ishte edhe kryetar i Klubit Letrar të Shkollës.
Drejtoria e shkollës i shpreh ngushëllime familjes, mësimdhënësve dhe nxënësve”, thuhet në njoftimin e Gjimnazit “Remzi Ademaj”, Prizren.