Tekniku boshnjak, Blazh Sliskoviq thuhet se është afër marrëveshjes me Federatën e Futbollit të Kosovës.
Të paktën kështu thuhet në raportimin e mediumeve boshnjake. Sipas ”sportske.ba”, Sliskoviq është afër marrëveshjes me FFK-në.
Federata e Futbollit e Kosovës ka njoftuar sot se ka shkarkuar Primoz Glihan dhe se është në kërkim të një trajneri të ri.
Ish futbollisti dhe trajneri i Hajdukut, edhe më herët ishte kandidat për stolin e Kosovë dhe tashmë duket se është shumë afër marrëveshjes.
Ai ka një karrierë të suksesshme si futbollist në Jugosllavi dhe më pas si trajner. 64-vjeçari ka udhëhequr skuadra të shumta boshnjake e kroate, ndërsa është shpallur dy herë kampion në Bosnje dhe Hercegovinë.
Sliskoviq gjatë sezonit 2008-09 ka drejtuar skuadrën e Tiranës.