Kurti sulmon Isufajn: Prokuror pa asnjë rast të fituar, që vrasjen e cilëson vetëvrasje dhe vetëvrasjen, vrasje

Kryeministri i Kosovës, Albin Kurti sot në Kuvendin e Kosovës ka goditur prokurorin Blerim Isufaj, dekretimi i të cilit tash e sa muaj ka mbetur pezull nga ana e presidentes së vendit.

I pari i Qeverisë tha se disponimi politik negativ ndaj Qeverisjes së tij, e jo vetëm atij si kryeministër, lidhet me figurën e Blerim Isufajt.

Sipas Kurtit, prokurori në fjalë është i njohur në skenën publike që rastin e vrasjes se ish-shefit të AKP-së, Dino Hasanaj e kategrorizoi me vetëvrasje, ndërsa rastin e vetëvrasjes së zyrtarit për informimi në Kryeministri, Hamdi Sopës e shndërroi në vrasje.

Kurti tha se Isufaj nuk e ka asnjë rast të fituar në gjykatë dhe kështu po dëshiron të bëhet kryeprokuror.

“Ekziston disponim politik negativ ndaj qeverisjes tonë, jo vetëm ndaj meje, dhe jo vetëm ndaj qeverisjes tonë, por edhe ndaj pushtetit të ri, dhe kjo lidhet më shumë me figurën e prokurorit Blerim Isufaj. Bëhet fjalë për një prokuror i cili është i mirënjohur në skenën tonë publike që rastin e vrasjes se ish shefit te AKP-së, Dino Hasanaj e kategrorizoi me vetëvrasje, ndërsa rastin e vetëvrasjes së Hamdi Sopës e shndërroi në vrasje. Bëhet fjalë për një prokuror i cili asnjë rast nuk ka të fituar në gjykatë, dhe ky deshiron të bëhet kryeprokuror, përkundër vullnetit të Presidentes, Kryeminisrit dhe Kryeparlamentrit”.

“Është mbështetje e madhe për një njeri, i cili përkundër këtyre, e përvojës se hidhur të vendit me të, dëshiron të bëhet kryeprokuror”.