Kurti: Projekti i ndryshimit të kufijve ka dështuar, por ideja nuk ka vdekur

Kryeministri Albin Kurti nga Parisi ka folur edhe për idenë e ndryshimit të kufijve, ku ka thënë se projekti ka dështuar, por ideja nuk ka vdekur.

“Moska nuk është e lumtur me shpërbërjen e Bashkimit Sovjetik, kurse Beogradi s’ka qenë i lumtur me shpërbërjen e Jugosllavisë. Projekti i këmbimeve ka dështuar, por ideja nuk ka vdekur, kudo që takohem ose dëgjoj presidentin e Serbisë që flet publikisht ose angazhohet në dialog në Bruksel, fantazia mund të jetë reale, por e kushtëzon të menduar sjelljen apo veprimtarinë e palëve”.

“Projekti ka pas homolog edhe në Kosovë, një prej paraardhësve të mi, sepse në atë kohë është parë si rregullim i shpejtë mes liderëve autoritar, që flasin për popullin si familjen e tyre, e që flasin për territoret e e tyre si të ishin prona private. Por kjo ka pasur një lloj shije monarkike feudale që nuk ekziston më, por me duhet ta pranoj që përkundër dështimit të projektit si të tille, ideja ekziston ende pa ndonjë masë të madhe të hyje në fuqi”, tha Kurti në diskutimin me temën “Krijimi i paqes dhe ndërtimi i një bote më të sigurt” që po mbahet në Paris.