Kurti konfirmon blerjen e dronëve Bayraktar nga Turqia: Kosova krenare

Kryeministri Albin Kurti ka konfirmuar të dielën blerjen e dronëve Bayraktar nga Turqia.

Në një postim në Facebook, Kurti ka shkruar se kanë shtuar 80% numrin e ushtarëve dhe mbi 100% buxhetin e ushtrisë.

“Arsenalit të ushtrisë sonë i kemi shtuar edhe dronë Bayraktar TB-2 të cilët i kemi blerë si Qeveri nga Turqia! Në dy vjet qeverisje e kemi shtuar për mbi 80% numrin e ushtarëve dhe mbi 100% buxhetin për ushtrinë”, shkroi shefi i qeverisë. 

Sipas tij, Kosova tash është edhe më e sigurt përveçse gjithnjë krenare.

“Me Komandantin e FSK-së gjenerallejtnant Bashkim Jashari dhe Ministrin e Mbrojtjes Armend Mehaj përgëzuam oficerët që e kanë kryer trajnimin për përdorimin e dronëve”, përfundoi ai.