Kurti i prerë: Kërkesat e sindikatave janë absurde – jam në hall me ta

Kryeministri Albin Kurti është pyetur se a do të ulet për dialog me sindikatat të cilat tash e disa ditë janë në grevë për mos-plotësim të kërkesave të tyre.

Ai tha janë me mësimdhënësit, por ata duhet të jenë me nxënësit.

Sipas tij, nuk bën të ndahen ata pasi shtoi se shkolla është shteti. Ai u bëri thirrje mësimdhënësve të kthehen në shkollë të hënën tjetër, por shton se nuk mungon komunikimi i qeverisë me përfaqësuesit e sindikatave, por racionaliteti i kërkesave.

“Kam hall për këto kërkesa që bëhen në mënyrë delirante”, tha Kurti.

“Ta bojkotosh shtetin do të thotë ta bojkotosh shtetin. Kemi bërë luftë për shkollë e ta bojkotojmë atë me greva ekstremiste. Iu bëj thirrje që të hënën të jenë në shkollë dhe t’u japin mësim të vegjëlve tanë. Jemi për mësimdhënësit, por edhe për nxënësit. Unë kam takuar disa herë kreun e BSPK-së, zotëri Atdhe Hykollin me bashkëpunëtorë ndërkaq ministrat e mi kanë takuar degës sindikale të BSPK-së”.

“Nëse duan të kenë shtet, duhet të ketë ligj. Unë jam për sindikata, për sindikata të fuqishme edhe në sektorin privat jo vetëm publik. Kërkesat absurde irracionale, që më shumë janë dëshira arbitrare se sa mundësi reale, nuk mund të ecim përpara. Në përputhje me buxhetin e shtetit, krizën ekonomike ne do t’i marrim masat tona”, u shpreh ai në një konferencë për media.

Kreu i Qeverisë gjithashtu ka thënë se liderë të degëve sindikale në të kaluarën kishin krijuar lidhje direkte me politikanë, president, kryeministra e ministra.

I pyetur se a do të ulet me sindikalistët, Kurti ka thënë se është takuar disa herë me Athde Hykollin e BSPK-së, derisa ka thënë se kërkesat absurde dhe irracionale nuk kalojnë.

“Ne jemi me mësimdhënësit. Mësimdhënësit duhet të jenë me nxënësit. Ne kemi bërë shumë luftë për shkollë, që ta bojkotojmë me greva. Duhet të fillojë mësimi një orë e më parë. Ju bëj thirrje të gjithë mësimdhënësve të  hënën të jenë në mësim. Jemi me mësimdhënësit, e mësimdhënësi për nxënësit. Unë kam takuar disa herë kreun e BSPK-së, z.Atdhe Hykollin. Ndërsa ministrat e mi kanë takuar degët sindikale të BSPK-së. Nëse duam shtet duhet të ketë rregullsi. Unë s’dua të kapërcej kreun e BSPK-së e të takojë liderë të degëve sindikale, sepse ashtu ska rregullsi.

Ka ndodhur ashtu në të kaluarën, kur liderë të degëve sindikale kanë krijuar lidhje direkte me politikan, president e ministra dhe e kanë prishur rregullsinë. Unë jam social-demokrat dhe organizimi sindikal është për të drejtat e punëtorëve. Por kërkesat absurde irracionale, që janë më shumë dëshira arbitrare nuk mund të ecin përpara.

Në përputhje me buxhetin e shtetit ne do të marrim masat tona”, ka thënë Kurti.