Kurti i painteresuar për koalicion me ta, Musliu: Ai ka frikë nga PDK-ja, aty s’ka fjalë por vepra

Deputetja e PDK-së, Ganimete Musliu lidhur me letrën e Albin Kurtit drejtuar Lumir Abdixhikut për koalicion, ka thënë se ai ka shkatërruar çdo mundësi bashkëpunimi me secilin dhe për të fituar kohë dërgon këto letra.

Sipas Musliut, çasja e tij ka qenë prej një servili e nënshtruesi.

“Kjo është loja e Albin Kurtit e vazhdueshme. Ai nuk mundet të ulet në tavolinë me asnjë të bisedojë sepse e ka shkatërru çdo mundësi bashkëpunimi me secilin dhe për të fituar kohë bën hajgare duke shkruar letra, herë te një parti, herë te një tjetër. Tash radhën e ka LDK. Mënyra se qysh i çaset, si një servil si një nënshtrues, flet shumë”, ka thënë Musliu.

Sa i përket deklaratës në letër se VV s’është e interesuar për koalicion me VV-në, sipas Musliut, Kurti ka frikë nga PDK-ja, pasi sipas saj aty ka punë dhe vepra.

“Kur ka pas interesim PDK për koalicion me VV-në. Të gjithë deputetët e kanë bërë të qartë që s’pranojnë të hyjnë në koalicionon me VV-në për asnjë çmim. Ndërsa arsyeja e Albin Kurtit që nuk dëshiron gjoja të bëjë koalicion me PDK-në, ai e dinë saktësisht që me PDK s’bëhet hajgare. Ai ia ka frikën PDK-së. Ai e di PDK nuk ka fjalë, ka punë, ka vepra”.

“Ai e di saktësisht nuk mund ta luaj lojën të cilën ai do ta bëjë. Ka frikë nga puna dhe performanca e PDK-së”, deklaroi ajo në T7.