Kurti hap Javën e Krenarisë: Secili ka të drejtë të jetë ashtu siç është

Kryeministri në detyrë, Albin Kurti, hapi zyrtarisht Javën e Krenarisë 2025 në Prishtinë, duke theksuar përkushtimin e qeverisë për barazi dhe përfshirje për të gjithë qytetarët, pa dallim.

Ai vlerësoi rëndësinë e kësaj jave si një simbol të gjallërisë dhe aktivizmit të komunitetit LGBTQ+, duke shtuar se ndjenjat e turpit duhet të luftohen përmes solidaritetit dhe angazhimit të përbashkët.

“Qeveria e të gjithë qytetarëve e vendit tonë pa dallim. Të rëndësishme janë ngjarjet si Java e Krenarisë pavarësisht orientimit seksual. Prania e të gjithëve ju dëshmon gjallërinë dhe aktivizmin e komunitetit. Ndjenjat e turpit janë dukuri që për të gjithë ne që besojmë në barazi duhet t’i luftojmë së bashku. Institucionet janë në krye të detyrës për një shoqëri gjithëpërfshirëse pa dallim. Si një aspekt i domosdoshëm i barazisë qytetare, mbajtja e Javës së Krenarisë është traditë kuptimplotë me rëndësi në Kosovë. E mbështesim fuqishëm parimin që secili ka të drejtë të shfaqet ashtu siç është”, ka thënë Kurti.

Shefi i Zyrës së BE-së në Kosovë, Aivo Orav, deklaroi se Bashkimi Evropian është fuqimisht i përkushtuar ndaj të drejtave të personave LGBTIQ+, duke theksuar se këto janë të drejta të njeriut, jo të drejta të veçanta.

Ai vlerësoi progresin e Kosovës, veçanërisht faktin që Parada e Krenarisë zhvillohet çdo vit pa incidente, si shenjë e pranimit dhe normalizimit.

“Në emër të Bashkimit Evropian, mund të konfirmoj se jemi fuqimisht të përkushtuar ndaj të drejtave të personave LGBTIQ+. Këto nuk janë të drejta të veçanta. Këto janë të drejta të njeriut. Dhe vizioni ynë në Bashkimin Evropian është mbrojtje më e madhe, përfshirje dhe mosdiskriminim në të gjithë Bashkimin Evropian, në të gjitha shtetet tona anëtare dhe në vendet partnere. Dhe në këtë drejtim, Kosova po bën mirë. Sepse kanë ndodhur shumë gjëra të rëndësishme — vetë fakti që Parada e Krenarisë mbahet çdo vit pa asnjë incident është një shenjë e normalizimit dhe pranimit. Do të doja gjithashtu të theksoj një moment të rëndësishëm për drejtësinë në Kosovë”, ka theksuar ai.

Ambasadori i Suedisë, Jonas Westerlund, në hapjen e sezonit francez në Prishtinë, rikonfirmoi mbështetjen e fuqishme të Suedisë për komunitetin LGBTIQ+.

Ai theksoi se ky komunitet përballet me sfida të përditshme dhe përmendi se, sipas të dhënave, mbi 350 persona nga ky komunitet janë vrarë vitin e kaluar.

“Komuniteti LGBTIQ plus. Është një nder i veçantë të jem sërish pjesë e hapjes së sezonit francez këtu në Prysma. Siç e dinë të gjithë, Suedia është një mbështetëse e madhe e këtij komuniteti. Por ky komunitet përballet me sfida çdo ditë. E kam kërkuar këtë në Google dhe rezulton se vitin e kaluar mbi 350 persona nga komuniteti LGBTIQ plus janë vrarë. Disa ditë më parë u publikua një opinion — jo një vendim përfundimtar, por një mendim — nga avokatja e përgjithshme e Këshillit Evropian për të Drejtat e Njeriut. Ky është një zhvillim i rëndësishëm, dhe tani po presim vendimin përfundimtar nga Këshilli. Ky ishte mendimi i avokates së përgjithshme, Tamara Chapietta. Ajo deklaroi se një prej vendeve anëtare të BE-së ka zbatuar ligje kundër komunitetit LGBTIQ plus. Ajo theksoi se kjo përbën një shkelje të të drejtave të këtij komuniteti. Ende nuk kemi një vendim përfundimtar, por kjo është një hap në drejtimin e duhur. Ministrja suedeze për çështjet e komunitetit LGBTIQ, Jessica Olsson-Kantz, e komentoi këtë në Twitter me një mesazh shumë të fortë. Ajo e mbështet këtë qëndrim. Ish-kryeministri suedez, Stefan Löfven, tha se të gjithë duhet të kenë të drejtën të jetojnë realitetin e tyre hapur, pa frikë dhe pa diskriminim. Kjo është ajo që udhëheq mbështetjen e palëkundur të Suedisë për komunitetet në mbarë botën”, shtoi ai.